Good morning
كان لي فتره ادور شيء يساعدني على تطوير اللغه عندي ويقويها بعد بحث طحت على مجموعه قصصيه تعليميه. اسمها فكرتها تطرح مجموعه قصص ابتداء من الفاندويشن الى لفل 6 الكتاب حلو كثير بصراحه انا ماخذت من الصفر بديت من لفل ون وحسيت كلمات واجد طلعت لي وخذت فور بس الى الان مابديت فيه لان حسيت ان بدري علي فور طبعا كل لفل له قصص متنوعه في منها السياسي الرعب الرومانسي انت تختار الي يعجبك ويجي مع الكتاب سي دي واخره اسئله حول القصه واخر صفحه كلمات ومعانيها طبعا بالانغلش
سلسله انتاج جامعه اكسفورد الي اطلقت عليها اسم (Oxford Bookworms)
وهذا الويب سايت تبعهم
https://elt.oup.com/cat/subjects/graded_reading/?cc=global&selLanguage=en
تصفحوه واختارو الي يعجبكم من الكتب
السي دي مقسم اقسام على حسب كل شابتر يعني الحلو مو متصل فاسهل لك خاصه كماده تعليميه والقراءه بطيئه مو كثير مناسبه للمستوى الاول انصح بالبدايه تسمع للسي دي مع القراءه بعدها تقراه مع نفسك وتطلع الكلمات الجديده بكذا تكسب اكبر عدد من الكلمات
هنا الكلمات وجنب كل كلمه ايش تعني او المعنى التوضيحي لها
اخذت كتاب لندن بصراحه لندن من زمان ماخذته وكان مركون كنت حاسبه بصعوبه فلما تطورت لغتي شوي رجعت اقراه شريت كتاب من المستوى الرابع اسمه (Nelson Mandela) وكتاب من المستوى الاول اسمه (FIVE SHORT PLAYS) ان شاءالله بحاول اقراهم باقرب وقت ..
قريت من بعض المواقع ان الامازون تبيع المجموعه كامله وبسعر ارخص من المكتبات انا مادري عن هالشي بضبط الكتب شريتها من جرير ولاحظت ان اسعار الكتب متفاوته مو سعرها واحد تقريبا الي شريتهم كانو ب 39 ريال فمادري ليه متفاوته هل بحسب النوع او شيوع القصه الله اعلم
عموما انصحكم بالمجموعه وخاصه للي يبي يتطور بسرعه .
