مساء الخير ..،
اخباركم... (l) متابعيني الاعزاء وكل من زار صفحتي ومر هنا اتمنى الجميع بصحه وعافيه
قبل مده كانت لي زياره قصيره في قطر خلال اجازه اليوم الوطني بتكلم فيها عن تجربتي لفندق كوبثورن تقرير بسيط جدا عن ابرز ايجابيات وسلبيات الفندق ....
وصلنا الفندق الساعه ١٢ تقريبا وهذه صوره الفندق من بعيد
استقبلنا هذا الموظف اللطيف المبتسم دوماآ ...... 
شوفو اللوبي كيف انيق والوانه تشرح النفس ومرتب وهادي جداآ
اللحين صعدنا فوق شوفو من بعيد العامل شايل الاغراض رايح للغرفه (:
واخيراآ وصلنا للغرفه بسم الله نبدء الجوله الاستطلاعيه في ارجاء الغرفه
زوووووووم على السرير
على التسريحه حاطين رساله ترحيبيه من مدير الفندق
بما اني راعيه كيف اهم شي ان الغلايه واغراض القهوه كامله وموجوده
وهنا جانب اخر من التسريحه
شوفو اللثلاجه تحتوي على مجموعه من الحلويات والمشروبات لاتدققون على المويه لان من عندنا جايبينه اهم حاطين نوعيه ثانيه
حاطين مجفف الشعر في درج من دروج التسريحه حبيته ان مو في دوره المياه كعاده الفنادق الثانيه
هنا دوره المياه وانتو بكرامه
وهنا اغراض الشاور والاحتياجات الشخصيه
وهذا المسبح مسبحهم يشرح النفس مع ان المكان مسكر احب الاماكن المفتوحه بس رايق ويفتح النفس تمنيت اسبح فيه
وصلنا لنهايه التقرير حبيت اشاركم تجربتي مع الفندق ابرز اجابيته : هادئ ، الخدمه جيده قريب من ااماكن المهمه ، الواي فاي موجود حتى بالغرف مو مقتصر على اللوبي فقط
السلبيات : تاخرو في تجهيز الغرفه ، كنا طالبين سرير اضافي طولو على ماجابوه ،
تم الحجز عن طريق موقع بوكينق
الي حاب يطلع على مميزات الفندق اكثر يزور الموقع هنا
اتمنى عجبكم التقرير .... كونو بخير (L)
0 التعليقات:
إرسال تعليق